ಸೂರ್ಯನ ಉದಯಾಸ್ತಗಳ
ದಿಕ್ಕು-ದೆಸೆ, ಹೊತ್ತು-ಗೊತ್ತು
ಎಲ್ಲರಿಗೂ ಗೊತ್ತು; ಅದೇ
ಚಂದ್ರನ ಬಗ್ಗೆ ಹೇಳಿ ನೋಡುವಾ!
ಸೂರ್ಯನಿಗೆ ಪ್ರದಕ್ಷಿಣೆ ಹಾಕುತ್ತೇವೆ ನಾವು
ಅವ ನಮ್ಮ ಬಾಸು. ಅದೇ
ಚಂದ್ರ ನಮಗೆ ಪ್ರದಕ್ಷಿಣೆ ಹಾಕುತ್ತಾನೆ
ಅವ ನಮ್ಮ ಗುಲಾಮ. ಅದೇ
ಪಾಯಿಂಟು! ಗುಲಾಮನ ಚಲನವಲನ
ಯಾರಿಗೆ ಬೇಕು!
ಸೂರ್ಯನ ಬಿಸಿಲು-ಧಗೆ
ಬೇಡ ನಮಗೆ
ಚಂದ್ರನ ತಂಪು-ಬೆಳಕು
ಬೇಕು.
ಆಟಕ್ಕುಂಟು ಚಂದ್ರ
ಲೆಕ್ಕಕ್ಕಿಲ್ಲ.
ಗುಲಾಮರ ಹಣೆಬರಹ ಇಷ್ಟೆ!
ಸೂರ್ಯ
ಹುಟ್ಟುತ್ತಾನೆ ಪ್ರತಿನಿತ್ಯ
ಇಡಿಇಡಿಯಾಗಿ,
ಸರಿಸುಮಾರು
ಅದೇ ಹೊತ್ತಿಗೆ,
ಅದೇ ದಿಕ್ಕಿನಲ್ಲಿ.
ಮುಳುಗುವುದೂ ಹಾಗೇ.
ಅದೇ, ಚಂದ್ರ?
ಎಂದೇ
ಅವ ಬಾಸು
ಇವ ಗುಲಾಮ!
ಜಗದಾಚೆಗೂ
ಅನ್ವಯ
ನಮ್ಮ
ಜಗಧರ್ಮ!
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)
ಆನ೦ದ ಸರ್,
ಪ್ರತ್ಯುತ್ತರಅಳಿಸಿಎ೦ತ ಅರ್ಥ ಗರ್ಭಿತ ಕವಿತೆ .. ಎರಡು ಕವಿತೆ ಗಳು ತು೦ಬಾ ಒಳ್ಳೆಯದಿದೆ .. ಎರಡು ತು೦ಬಾ ಕಾಡುವ ಕವಿತೆಗಳು . ಆಧ್ಯಾತ್ಮ ವನ್ನು ಎಷ್ಟು ಸರಳ ವಾಗಿ ಹೇಳಿದ್ದಿರಿ ... ಧನ್ಯವಾದಗಳು
ಪ್ರತಿ ಧನ್ಯವಾದ ರೂಪಾ ಅವರೇ.
ಪ್ರತ್ಯುತ್ತರಅಳಿಸಿ