* ರಾಜ್ಯ ಮತ್ತು ಕೇಂದ್ರದಲ್ಲಿ ಬೇರೆ ಬೇರೆ ಪಕ್ಷಗಳ ಸರ್ಕಾರ.
- ಕರ್ನಾಟಕಕ್ಕೆ ಇದು ಮಾಮೂಲಿ ಗ್ರಹಚಾರ!
***
* ರಾಜ್ಯದಲ್ಲಿ ಭರ್ಜರಿ ಜಯ, ಆದರೆ ಕೇಂದ್ರದಲ್ಲಿ ಸರ್ಕಾರದ ಭಾಗ್ಯ ಇಲ್ಲ! ಇದಕ್ಕೆ ಯಡಿಯೂರಪ್ಪ ಏನನ್ನುತ್ತಿದ್ದಾರೆ?
- ’ನಗುವುದೋ ಅಳುವುದೋ ನೀವೇ ಹೇಳಿ’, ಅನ್ನುತ್ತಿದ್ದಾರೆ!
***
* ’ರಾಮಮಂದಿರ ಕಟ್ತೀವಿ’ ಅಂದರೂ ಸೋತರು.
- ’ಖಂಡಿತ ಕಟ್ಟೋಲ್ಲ’ ಅಂದರೆ ಗೆಲ್ತಾರೇನೋ ಮುಂದಿನ ಸಲ.
***
* ಆರು-ಮೂರು ಒಂಬತ್ತು, ಕಾಂ-ಜ ಇಲ್ಲಿ ಹಳ್ಳಕೆ ಬಿತ್ತು!
- ಗೆದ್ದರೂ ಇಲ್ಲಿ ಹತ್ತೊಂಬತ್ತು, ಅಲ್ಲಿ ಅಧಿಕಾರ ’ಕೈ’ಕೊಟ್ತು!
***
* ಕೇಂದ್ರದಲ್ಲಿ ಯುಪಿಎ ಆಡಳಿತ ಮುಂದುವರಿದದ್ದು ಯಡಿಯೂರಪ್ಪನವರಿಗೆ ಒಂದು ರೀತೀಲಿ ಒಳ್ಳೇದೇ ಆಯ್ತು.
- ತಮ್ಮ ಆಡಳಿತ ವೈಫಲ್ಯಕ್ಕೆ ಎಂದಿನಂತೆ ಕೇಂದ್ರದಮೇಲೆ ಗೂಬೆ ಕೂರಿಸಿ ಪಾರಾಗೋ ಚಾಳಿಯನ್ನು ಮುಂದುವರಿಸಿಕೊಂಡು ಹೋಗಬಹುದು.
***
* ಭಾರತಕ್ಕಿನ್ನು ಏಕಕಾಲಕ್ಕೇ ಮೂರು ತಲೆಮಾರುಗಳ ಆಡಳಿತ!
- ಮೊದಲನೇ ತಲೆಮಾರಿನ ಪ್ರಧಾನಿ, ಎರಡನೇ ತಲೆಮಾರಿನ ಮೇಡಂ ಸೋನಿ(ಯಾ) ಮತ್ತು ಮೂರನೇ ತಲೆಮಾರಿನ (ರಾಹುಲ್ ಎಂಬ) ನಿಧಾನಿ!
***
* ಮಮತಾ ಗಾಳಕ್ಕೆ
- ಬಂಗಾಳದ ಮತ.
***
* ಯುಪಿಎ ಸರ್ಕಾರ ಇನ್ನು
- ಮಮತೆಯ ಮಡಿಲಲ್ಲಿ!
***
* ಕೇರಳ, ಬಂಗಾಳ ಎರಡೂ ಕಡೆ ಕಮ್ಯುನಿಸ್ಟರು ಸೋತುಹೋದರು.
- ಸೋತು ಎಲ್ಲಿಗೆ ಹೋದರು? ಚೀನಾಕ್ಕಾ, ನೇಪಾಳಕ್ಕಾ?
***
* ಅನುಭವಮಂಟಪದ ಪೀಠ ಏರಲು ಹೊರಟಿದ್ದ ಪಾಸ್ವಾನ್‌ಗೆ
- ಶೂನ್ಯಸಂಪಾದನೆ!
***
* ಮೂತಿ ನೋಡೋಕೆ ಬಂದಿದ್ದೋರೆಲ್ಲಾ ಮತ ನೀಡಿದ್ದರೆ
- ಚಿರಂಜೀವಿ ಇಷ್ಟೊತ್ತಿಗೆ ಮುಖ್ಯಮಂತ್ರಿ ಆಗಿರ್ತಿದ್ದರು!
***
* ಚಿರಂಜೀವಿಗೆ ಒಂದು ಕ್ಷೇತ್ರದಲ್ಲಿ ಗೆಲುವು, ಇನ್ನೊಂದರಲ್ಲಿ ಸೋಲು.
- ’ಸುಖೇ ದುಃಖೇ ಸಮೇ ಕೃತ್ವಾ’ ಅಂತ ಶ್ರೀಕೃಷ್ಣ ಭಗವದ್ಗೀತೆಯಲ್ಲಿ ಹೇಳಿದ್ದು ಇದನ್ನೇ ಇರಬೇಕು.
***
* ರೇಣುಕಾ ಚೌಧರಿ ಸೋತರು.
- ನಿರ್ಮಲಾ ವೆಂಕಟೇಶ್ ಹಾಲು ಕುಡಿದರು!
***
* ದೇವೇಗೌಡರ ವಿರುದ್ಧ ಗೆದ್ದ ತೇಜಮ್ಮ ಗೌಡರ ಮಗನ ವಿರುದ್ಧ ಸೋತರು!
- ಮುಂದಿನ ಎಲೆಕ್ಷನ್ನಲ್ಲಿ ಮೊಮ್ಮಗನ ವಿರುದ್ಧ ಡಿಪಾಸಿಟ್ ಖೋತಾ?
***
* ಬಂಗಾರಪ್ಪ ಸೋಲಲು ಕಾರಣ?
- ಫ್..ಫ್..ದುಡ್ಡು. ಫ್..ಫ್..ಖರ್ಚು ಮಾಡಲು ಸಾಕಷ್ಟು ಇಲ್ಲದೇ ಇದ್ದದ್ದು.
***
* (ಮಾಜಿ) ಎಸ್.ಪಿ.ಸಾಂಗ್ಲಿಯಾನಾ ಚಿಂತಿಸಬೇಕಿಲ್ಲ.
- (ಮಾಜಿ) ’ಎಂ.ಪಿ.ಸಾಂಗ್ಲಿಯಾನಾ’ ಎಂಬ ಚಿತ್ರ ತಗ್ಗ್..ಯೋಕೆ ದೇವ್ರು ಪ್ರೊಡ್ಯೂಸರ್‍ನ ಹೆವನ್ನಿಂದ ಕಾಳಿಸಿ ಕೋಡ್ತಾರೇ.
***
* ಖರ್ಗೆ, ಧರಂ, ಮುನಿಯಪ್ಪ ಹಳೇ ಹುಲಿಗಳು.
- ಪೂಜಾರಿ, ಷರೀಫ್, ಬಂಗಾರಪ್ಪ ಹಳೇ ಇಲಿಗಳು!
* ಮಾರ್ಗರೆಟ್ ಆಳ್ವ?
- ಮಾರ್ಜಾಲ!
***
* ಜನಾರ್ದನ ಪೂಜಾರಿ ಸೋತದ್ದು ಯಾಕೆ?
- ಗಾದೇಲಿರೋ ಪೂಜಾರಿ ಇವರೇ ಅಂದ್ಕೊಂಡ ದೇವರು, ಅದಕ್ಕೆ!
***
* ದಾವಣಗೆರೆ ಫಲಿತಾಂಶ ಬಲು ವಿಶೇಷ.
- ಎಸ್ ಎಸ್ ಮಲ್ಲಿಕಾರ್ಜುನ್‌ಗೆ ಮತದಾರರು ನೋ ನೋ ಅಂದರು; ಪರಿಣಾಮ, ಸಿದ್ದೇಶ್ವರರು ಗೆದ್ದೇಶ್ವರರಾದರು.
***
* ಲಾಸ್ಟ್ ಕ್ವೆಶ್ಚನ್: ಮನಮೋಹನ್ ಸಿಂಗ್ ಇನ್ನಷ್ಟು ಪ್ರಬಲ?
- ಊಹ್ಞೂ. ಇನ್ನಷ್ಟು ದುರ್ಬಲ!
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)
ಶಾಸ್ತ್ರಿಗಳೇ
ಪ್ರತ್ಯುತ್ತರಅಳಿಸಿಗುಳಿಗೆ ಸ್ವಲ್ಪ ಅರ್ಜೆ೦ಟಲ್ಲಿ ತಯಾರಿಸಿದ೦ಗಿದೆ. ಮಾಮೂಲಿನ೦ತೆ strong ಇಲ್ಲ. ಆದ್ರೂ ಪರವಾಗಿಲ್ಲ, ಮು೦ದಿನ್ಸ ಸಲ ಸ್ವಲ್ಪ strong dose ಕೊಡಿ ಸ್ವಾಮಿ .
ಸರ್,
ಪ್ರತ್ಯುತ್ತರಅಳಿಸಿಚುಟುಕು ಬರಹಗಳು ಖುಷಿಕೊಡುತ್ತವೆ...ಓದುತ್ತಾ ಮತ್ತೆ ಎಲ್ಲಾ ನೆನಪಾಯಿತು...ಕೆಲವೊಂದು ತುಂಬಾ ಚೆನ್ನಾಗಿವೆ...
ಹೌದು ಪರಾಂಜಪೆಯವರೇ, ಕರೆಕ್ಟಾಗಿ ಹೇಳಿದ್ದೀರಿ. ಮುಂದಿನ ಸಲ ಪುರುಸೊತ್ತಿನಲ್ಲಿ ತಯಾರಿಸಿ ಇಸ್ಟ್ರಾಂಗ್ ಡೋಸ್ ಕೊಡುತ್ತೇನೆ. ಮುಕ್ತ ಅಭಿಪ್ರಾಯಕ್ಕಾಗಿ ಹೃತ್ಪೂರ್ವಕ ಧನ್ಯವಾದ.
ಪ್ರತ್ಯುತ್ತರಅಳಿಸಿಶಿವು ಅವರಿಗೂ ಹೃತ್ಪೂರ್ವಕ ಧನ್ಯವಾದ.